NGAMUMULE BUDAYA SUNDA

Ngamumule Budaya Sunda

Assaiamuaiaikum Wr. Wb

          Langkung  tipayun simkuring ngucapkeun puji syukur ka Allah SWT.Nya kukersa Allah pisan ,

urang tiasa patepung dina ieu riungan . Simkuring oge ngahaturkeun nuhun ka panitia anu tos

masihan kasempatan .

         Bapa miwah ibu anu bade ngaregepkeun biantara simkuring . Ayeuna simkuring bade ngabantun tema “ Ngamumule Kandaga Budaya Sunda “Hayu urang leunyeupan sareng titenan dina kahirupan urang sadidinten kiwari seueur pisan tongtonan luar nagara anu dipikaresep ku budak ngora , anu sepuh oge sami “” Jati Kasilih Ku Junti “teu mirosea kana seni budaya urang . Naon cenah ari budaya teh ? Ceuk emutan simkuring budaya teh hiji kamonesan atanapi kaparigelan boh dina seni atawa kaolahan , tangtos ibu bapa tumaros naha kadaharan make lebet kana budaya ? Urang ngabantun conto combro , misro , asmun ,beuleum sampeu ditambah parud kalapa gegetuk namina

Moal aya di Amerika mah iwal ti Obama meureun apaleun pedah kungsi di Indonesia .Tah kadaharan

nu kitu tehku budak jaman ayeuna mah geus teu dilieuk – lieuk acan majar teh nu kitu mah kadaharan kolot . Tapi ari ningali chiki , qitella ,slondok mani paheula – heula , padahal mah lamun heug ku urang dititenan bahanna tina sampeu –sampeu keneh bae bedana dibungkus ku plastik gambaran sarta dijualna di toko- toko .

           Bapa miwah ibu anu ku simkuring dipihormat !

           Saleresna dina widang kasenian oge urang teh kalintang bengharna ,urang Sunda gaduh seni

Jaipongan ,celempungan , reog , wayang golek , kuda renggong jeung nu sanesna deui. Budak ngora ayeuna mah sok ngaleos upama ngadangu jentrengna sora kacapi , ngerelikna sora suling , basana teh kop nu kitu mah keur nu huisan . Abdi mah resep ka musik brang –breng –brong bari jeung nu ngawihna buukna galondrong. Lamun ku urang dileunyeupan jentrengna sora kacapi , ngerelikna sora suling kabawa ku angin peuting hawar –hawar lagu Cianjuran matak nyeureup kana hate sumarabah kana bayah .

          Bapa miwah ibu anu ku simkuring dipihormat !

          Simkuring ngalamun ka alam katukang dina taun dalapan puluhan anu pangkakoncarana teh hiburan wayang golek . Dimana – mana lamun hajatan nikahkeun atapi sunatan hiburanna teh sok nanggap wayang golek . Jaman harita mah aya istilah gongclo nyaeta landihan ka jalma nu sok getol lalajo anu hartina di mana aya sora goong disada manehna langsung nyongclo.

         Bapa miwah ibu anu ku simkuring dipihormat !

         Barudak ayeuna lamun ditanya saha ari nakula , sadewa , arjuana tangtos moal apaleun ,maranehna leuwih apal ka tokoh ultramen , supermen , narutojeung nu sanesna deui . Jaman harita mah saking seringna nongton wayang seueur barudak nu kaedanan ku tokoh pawayangan maranehna ngulik nyieun wawayangananu sirahna ku siki jambu mede , awakna tina tamiang jeung bajuna tina laalmakananu menang mulungan ti tukang ngaput . Tapi ayeuna siki jambu mede geus dijual ka perusahaan silver queen anu dihijikeun jeung coklat anu matak nyeri huntu.Tah kabudayaan eta teh hampir sirna ku kamajuan jaman jeung teknologi . Ayeuna Pamarentah jeung ahli budaya usaha satekah polah ngawangun sanggar- sanggar kasenian pikeun ngamumule seni budaya utamana di tatar Sunda . Piraku ari urang deungeun mikaresep kana budaya sunda , ari urang nu bogana make teu resep teu reueus ku budaya sorangan . Ayeuna simkuring bade umajak ka sadayana hayu uarang ngamumule budaya sunda , budaya urang sarerea .

         Wargi sadaya sakitu nu kapihatur tina tarahal ,garihal ,teu kena undak usuk basana simkuring nuhunkeun dihapunten . Urang Jepang bisa ngieun pedang urang ge reueus bisa ngieun gobang , tong mangmang tong hariwang si sule ge bodor sunda bisa hirup senang ,Meuli cau ka Balaganjar jalanna ka Jatisura .Hayu urang sing saladar ngamumule budaya Sunda.

       Wassalamualaikum Wr. Wb.